INDI INI MATUOD
ANG KAUNDAN:
Isa ka Twitter post gikan sa isa ka Leni Supporter nagviral kag nagapasuni nga ang legal team ni Vice President Leni Robredo nagapalapata sang laygay sa mga supporters nga indi magsuksok sang duag rosa sa adlaw sang eleksyon.
Ang post nagasiling nga ini magahatag sang senyales sa COMELEC nga magpalapit sa mga Kakampink nga nagasuksok sang duag rosa kag i-disqualify sila sa pagboto, bisan wala sang legal nga basehan.
Barry Gutierrez, ang taghambal ni VP Leni Robredo, nagsabat sa amo nga tweet nga ang pasuni wala maghalin sa ila legal team.
“Wearing pink (or any color) to go vote is not prohibited, and while the possibility of harassment exists, should that prevent us from asserting our rights? To vote AND to wear the color we choose when we do so,” Gutierrez said.
(“Ang pagsuksok sang duag rosa (o iban pa) para magboto wala ginadumilian, kag bisan yara ang posibilidad sang harassment, dapat bala ina magapauntat saaton sa pagbuhat sang aton kinamatarung? Ang pagboto KAG ang pagsuksok sa duag nga atun pinili.” Siling ni Gutierrez)
Sa adlaw sang eleksyon, Mayo 9, ang Commission on Elections (COMELEC) ginakabig ang “Election campaigning” o “partisan political activity” nga ilegal.
Suno sa COMELEC ang ‘“Election campaigning” o “partisan political activity” amo ang masunod:
- Ang paghimo sang organisasyon o iba pa nga grupo para mag solicit sang boto kag/o ang pagkampanya para o kontra sa isa ka kandidato
- Pag-ubra sang social media platform para maghimo sang kampanya o may-angut nga partisan political activity
- Pag-ubra sang pulong-pulong, conference, meeting, rally, parade o iba pa nga assembliya para magsolicit sang boto o magkampanya para/o kontra sa isa ka kandidato
- Pag-ubra sang diskurso, announcement, komentaryo, o pag-ubra sang interbyu para/o kontra sa kandidato
- Direkta o indi direkta nga pagsolicit sang boto, pledges of support, para/o kontra sa kandidato
Sa adlaw sang eleksyon, wala sang layi nga nagadumili sa pagsuksok sang bisan ano nga duag.
(Gin-lubad ni Ryce Erica Lacbanes sang West Visayas State University-College of Communications para sa Daily Guardian)
Original Source: Source: https://www.facebook.com/852083154847743/posts/5152401198149229/?d=n
Daily Guardian is part of #FactsFirstPH, which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email editorial@dailyguardian.com.ph and info@factsfirst.ph, or send a message to facebook.com/DailyGuardianPH.
