INDI MATUOD: Ginplano kag ginhimo sang mga “Pinklawan” ang pagpangluthang sa Ateneo Arete

Dapat na mag-untat ang mga pinataka nga reaksiyon sa kada insidente sa Pilipinas bangud sa pagkontrahanay sang mga Pinklawan kag tagasuporta ni BBM.

ANG PASUNI: Ginplano kag ginhimo sang mga “Pinklawan” ang pagpangluthang sa Ateneo Arete.

INDI INI MATUOD.

NGA-A KINAHANGLAN I-FACT-CHECK: Dapat na mag-untat ang mga pinataka nga reaksiyon sa kada insidente sa Pilipinas bangud sa pagkontrahanay sang mga Pinklawan kag tagasuporta ni BBM. 

MGA DETALYE

Pila ka mga naratibo gikan samga komento sa Facebook kag mga tweet ang nagapasuni nga ang mga Pinlawan ang nagplano sang insidente sang pagpaniro sa Ateneo agud magtuga sang kinagamo kag ibasol sa gobyerno. Ginapasuni nila nga ang nagpaniro nga si Chao Tiao Yumol amu ang ginbayran agud magpahadlok sa publiko bago ang State of the Nation Adress (SONA) sang presidente.

Indi ini matuod.

Suno kay Police Brig. Gen. Remus Medina sang Quezon City Police District, ang pagpangluthang amu isa ka pinasahi nga kaso kag ginhimo bangud sang mga personal nga motibo. Wala sang kung ano man nga mga political nga motibo sa nasambit nga kaso siling sang pulisya.

https://interaksyon.philstar.com/trends-spotlights/2022/07/25/223019/chao-tiao-yumul-suspect-ateneo-shooting/?fbclid=IwAR0ZZxuGB871r3SBFwt5Pj-irSOCdUNAIRJcw-hzOjFteHzqtCzr9utVEd0

Siling ni Atty. Quirino Esguera nga amu ang abogado sang biktima, mag dumot si Yumol batok kay anay Lamitan Mayor Rose Furigay matapos sini ginpasarado ang clinic ni Yumol sadtong 2018 bangud sa kakulangan sang permit. Ginkasuhan man siya ni Furigay sang cyberlibel, https://twitter.com/_katrinadomingo/status/1551166652020314113?s=20&t=F3ub0xyEa5F6lbzW4SP-Ug&fbclid=IwAR1J-ZHFj8nufPbt0ipvIHylhdBScCjQlHH2qEL54tIZwRXazjtztkm9GZs

Indi ini ang labing una nga beses nga nagtangka si Yumol nga magbalos sa anay mayor. Bago sang sini nga insidente, Kapila na man ginreklamo ni Yumol si Furigay sa mga gina-alegar nga kaangtanan sini sa korapsyon kag pagpalapnag sang mga illegal nga droga.

https://www.cnnphilippines.com/news/2021/1/6/pacc-commissioner-greco-belgica-faces-complaints-alleged-lack-of-action-.html?fbclid=IwAR3kRfDk4W-2TmPaqoDV2F1RgPGo5Snj_kjh-4e_B2cagFKmvkGgJVePThc

Indi man mapatihan nga ang oposisyon ukon ginatawag mga pinklawan ang nagplano sang krimen bangud ang suspek nga si Chai Tiao Yumol, isa ka dako nga tagasuporta ni anay Presidente Duterte  bago magbalhin kay Presidente Ferdinand “Bongbong” Marcos Jr. Kontra man ang nasambit nga insidente sa ginasiling nga moralidad sang isa ka mayo nga tagasuporta sang presidente.

Gindula na sang kadam-an sang mga nagpaskil ang ila mga pahayag nga ang mga Pinklawan ang nagplano sang krimen matapos mahibaluan nga kontra kay Robredo ang suspek.

May iba naman nga nag-iba ang naratibo kag ginasiling nga gusto lamang sang suspek nga magbulig sa iya dakbanwa apang indi ini makita sa iya mga paskil kag mga ginahimo.

https://www.facebook.com/TheeeeeeChaoYumol/videos/5444390132315537

https://www.facebook.com/TheeeeeeChaoYumol/posts/pfbid028KvQLzYNH11NoeoRGUmiYLbvYJ3YDurZ7Jqb6pB7YXHwTpmXUCPNYBm4DsZqemzFl

https://www.facebook.com/TheeeeeeChaoYumol/posts/pfbid0iUSxQqCVXiew3MfDPM1AoopBe8RCYXfEAgGmdVHzocE6VGzJh7zcygHe7ZycEZALl

Ginlubad ni MARJUNE N. MUZONES, Intern sang Daily Guardian, gikan sa sinulatan sang Rappler : https://www.facebook.com/baguio.chronicle/photos/a.857049371017788/5503811436341535/

LEAVE A REPLY

Please enter your comment!
Please enter your name here