Gin fact-check na sang mga masaligan nga katapo sang midya ang mga pasuni.
ANG PASUNI: Ginhimo-himo lang ni Imee Marcos ang iya pagradwar sa apat ka nagkalain-lain nga mga eskwelahan
MATUOD INI.
NGA-A KINAHANGLAN I-FACT-CHECK: Apisar indi na bag-o ang nasambit nga pasuni, padayon ini nga ginagamit kag ginapalapnag sang senador. In inga mga delusion ni Imee Marcos amu ang nagahatag sa iya sang pagkakuntento nga indi nagakadapat sa iya.
MGA DETALYE
Isa ka grapiko sa page nga “Stupid Ironies” ang nagapasuni nga ginpeke ni Senador Maria Imelda Josefa Remedios “Imee” Romualdez Marcos ang iya mga educational credentials sa apat ka mga eskwelahan.
Apat ka mga eskwelahan nga makita sa grapiko ang nasambit sa curriculum vitae ni Imee sa kongreso.
https://web.archive.org/web/20051224170710/http:/www.congress.gov.ph/download/cv/marcoscv.pdf
Gin fact-check na sadto sang mga masaligan nga katao sang midya ang mga pasuni:
UP Law: Ginsiling ni UP Executive Vice President Teodoro Herbosa sa isa ka email sa Rappler nga wala sang record ukon pamatuod sang pagradwar ukon mga pagkilala nga nabaton si Marcos, ini gikan sa UP Registrar’s Office.
Princeton University: “Our records do not show that Ms. Marcos was awarded a degree,” siling sang Princeton University Deputy Spokesperson nga si Michael Hotchkiss.
Asian Institute of Management: Wala nakaagi hatag ang AIM sang mga kurso nga MA/MB, ini kontra sa pasuni ni Imee nga nakatapos siya sang MA in Management and Business Administration sa nasambit nga institusyon.
Santa Catalina School (SCS) sa Monterey, California: Suno kay John Aimé nga amu ang Assistant Head of School sang SCS, matuod nga nag-eskwela si Marcos sa Santa Catalina School apang sa malip-ot lang gid nga panahon sang tu-ig 1972. Wala siya nagtapos didto. Kung sayuron, indi man siya nangin valedictorian kay wala siya nag gradwar.
Apisar sang sin inga mga kabutigan, padayon in inga ginapanginwala ni marcos kag namangkot pa kung may ara bala kinahanglan pangayuan sang pasensya.
Ginlubad ni MARJUNE N. MUZONES, Intern sang Daily Guardian, gikan sa sinulatan sang Baguio Chronicle: https://www.facebook.com/baguio.chronicle/photos/a.857049371017788/5466371076752238
