Wala sang balita ukon pahayag nga nagtaliwan na si Nora Aunor. Sang Hunyo 29 kay nagtambong pa siya sa Parangal sa mga Pambansang Alagad ng Sining sa Cultural Center of the Philippines agud magbaton sang pagkilala.
ANG PASUNI: Nagtaliwan na ang beterano nga artista kag National Artist nga si Nora Aunor sining Hunyo 2022.
INDI INI MATUOD.
ANG KAMATUORAN: Wala sang balita ukon pahayag nga nagtaliwan na si Nora Aunor. Sang Hunyo 29 kay nagtambong pa siya sa Parangal sa mga Pambansang Alagad ng Sining sa Cultural Center of the Philippines agud magbaton sang pagkilala.
NGA-A KINAHANGLAN I-FACT-CHECK: Nakalab-ot na sa masobra 1,700 ka mga views ang video sa YouTube kung sa diin makita ang nasambit nga huring-huring. Makita sa mga komento nga damo ang nagpati didto.
MGA DETALYE
Umpisa sang Hunyo 25, nagalapta sa YouTube ang isa ka video nga ginatituluhan “Hala! Super Star Nora Aunor Agaw-Buhay Sa Hospital | Nora Aunor Latest Update!”.
Ginpangtagpi-tagpi ang mga video kag laragway ni Aunor sang una nga yara sa siya sa ospital para ipakita nga nagahimumugto na siya kag nagtaliwan na.
Indi ini matuod.
Wala sang balita ukon pahayag nga nagtaliwan na ang aktres.
Sang Hunyo 29 kay nagtambong pa siya sa Parangal sa mga Pambansang Alagad ng Sining sa Cultural Center of the Philippines agud magbaton sang kadungganan bilang isa ka National Artist.
Sa iya mensahe, nagpasalamat siya sa iya nabaton nga pagkilala kag sa iya mga tagasuporta.
Ginlubad ni MARJUNE N. MUZONES, Intern sang Daily Guardian, gikan sa sinulatan ni Sofia Guanzon sang Rappler: https://www.rappler.com/newsbreak/fact-check/nora-aunor-died-june-2022/
