‘There is no data to suggest that hot coconut water can provide cures for any type of cancer,’ siling ni Dr. Rajendra Badwe sang Tata Memorial Center.
ANG PASUNI: Nagpahayag ang director sang Tata Memorial Center nga si Dr. Rajendra Badwe nga makapatay ang mainit nga butóng sang cancer cells.
INDI INI MATUOD.
ANG KAMATUORAN: Ginpanginwala ni Dr. Badwe nga nagpahayag siya sang nasambit nga pasuni. Iya ginklaro nga wala sang datos nga nagasuporta sang pasuni nga makapatay ang mainit nga butóng sang cancer cells.
NGA-A KINAHANGLAN I-FACT-CHECK: Isa ka email nga nagapahayag sang nasambit nga pasuni ang ginpadala sa Rappler agud usisaon. Nagalapta naman ini sa Facebook
MGA DETALYE
Nakabaton sang email ang Rappler kung sa diin ginapasuni nga nagpahayag si Dr. Rajendra badwe, director sang Tata Memorial Center sa India nga makapatay ang mainit nga butóng sang mga cancer cells. Nahibaluan man sang Rappler nga nagalapta man ang nasambit nga pasuni sa Facebook.
Indi ini matuod.
Nagpaguwa ang tata Memorial Center sang pahayag kung sa diin ila ginapanginwala ang pasuni nga naghalin kuno naghalin kay Dr. Rajendra Badwe ukon sa Tata Memorial Center. Ginsiling man ni Badwe nga wala sang datos nga nagasuporta sang nasambit nga pasuni.
“There is no data to suggest that hot coconut water can provide cures for any type of cancer. Public are requested not to be misinformed by such false and harmful messages sent on social media,” siling ni Badwe.
Una na nga naglapta sa social media ang pasuni nga makapatay ang mainit nga butóng sang cancer cells sadtong 2019. Gin fact-check naman ang mga daan nga posts sang Editorji, Factly, the Asian Age, kag Medical Dialogues.
Ginlubad ni MARJUNE N. MUZONES, Intern sang Daily Guardian, gikan sa sinulatan ni Lorenz Pasion sang Rappler: https://www.rappler.com/newsbreak/fact-check/hot-coconut-water-kills-cancer-cells/
