Ginsiling sa mga Dietician nga ang pagnubo sang kabug-aton sang lawas nga may kaangtanan sa lemon coffee amu bangud sang mas madamo nga pag-inom sang tubig kag indi tungod sa kung ano man nga sustansya nga dala sang lemon.
ANG PASUNI: Makabulig ang kape nga may lemon sa pagpanubo sang kabug-aton sang lawas.
KULANG INI SA KONTEKSTO.
ANG KAMATUORAN: Wala sang sustansya ang lemon nga makabulig sa pagpanubo sang kabug-aton. Ang pagnubo sang kabug-aton nga may kaangtanan sa lemon coffee amu bangud sa mas madamo nga gin-inom nga tubig kag maagom man sa regular nga pag-inom sang tubig ukon mga ilimnon nga may manubo nga calories.
NGA-A KINAHANGLAN I-FACT-CHECK: Nakaagom na ang paskil sang masobra 262,000 ka mga reaksyon, 7,600 ka mga komento, kag 16,000,000 ka mga views sa Facebook sang ginsulat ang fact-check nga ini.
MGA DETALYE
Isa ka Facebook reel ang ginpaskil sadtong Hunyo 28 sang user nga si RowelMark Bergonio nga nagapasuni nga makabulig ang lemon coffee sa pagpanubo sang kabug-aton sang lawas.
Kulang sa konteksto ang nasambit nga pasuni.
Suno sa isa ka dietician sa Cleveland Clinic nga si Beth Czerwony, wala sang mga fat-burning nga mga kalidad ang lemon.
Ang pagbutang sang lemon sa kape ukon ano pa nga mga ilimnon kay indi makabulig sa pagpanubo sang kabug-aton. Gindugang pa sang dietician nga si Elizabeth Dejulius sa isa ka arikulo sa Time nga “Lemon water is not a miracle weight-loss food.”
Pareho nga gin-eksplekar ni Czerwony kag Dejulius nga ang epekto sang lemon coffee ukon ano pa nga mga ilimnon nga may lemon sap ag[anubo sang kabug-aton amu tungod sa pagpasulod sang tubig sa busong nga wala sing calories. Ginasuportahan ini sang mga pagtuon nga ginlathala sa National Library of Medicine.
Ang mas madamo nga pag-inom sang tubig bangud sa pag-inom sang mas madamo nga lemon coffee kay makapadasig man sang metabolism sang lawas, nga makaresulta sa pagnubo sang kabug-aton.
Ginlubad ni MARJUNE N. MUZONES, Intern sang Daily Guardian, gikan sa sinulatan ni Lorenz Pasion sang Rappler: https://www.rappler.com/newsbreak/fact-check/lemon-coffee-helps-weight-loss/
