ANG PASUNI: South Korea, nakarekord sang average nga 402,452 bag-o nga kaso sang COVID-19 adlaw-adlaw, baliskad sa pahayag ni vice presidential candidate Doc Willie Ong sa #PilipinasDebates
Ginpahayag sang Aksyon Demokratiko vice presidential candidate sa pinakauna nga debate nga gin organisar sang Commission on Elections (Comelec) nga ang kaso sa South Korea nagalab-ot sa “600,000 per day” (600,000 kada adlaw.)
INI INDI MATUOD.
Si Ong sa debate ginpamangkot: “Is there a deficiency in the current response to COVID-19? How will you support it?” [May ara bala sang kakulangan sa pagtugon sa sitwasyon subong sa COVID-19? Paano mo ini suportahan?]
Ang iyasabat: “Meron po akong bad news sainyo eh. Sa Asya ngayon, nagsusurge ulit ang covid. Sa South Korea 600,000 cases per day. Tayo (Philippines) 40,000 cases at the highest. Sa Vietnam, Hong Kong, China ang tataas ng kaso.” [May bad news ako sa inyo. Sa Asya subong, nagsurge liwat ang covid. Sa South Korea 600,000 ang kaso adlaw-adlaw. Kita (sa Pilipinas) 40,000 pinakataas. Sa Vietnam, Hongkong, China, mataas ang kaso.]
“May malaking posibilidad aabot ulit yan sa Pilipinas. ‘Di ko alam gaano kalala, kung kailan kung Mayo ba o sa June. Itong variant na to ito yung BA.2 variant na stealth Omicron. Ito yung mabilis kumalat,” dugang niya. [May dako nga posibilidad nga malab-ot ina (covid cases) liwat sa Pilipinas. Hindi ko mahambal kung ano kalala, kung san-o, kung sa Mayo ukon sa June. Ang variant nga ini amo ang BA.2 variant nga stealth Omicron. Amo ini (variant) ang madasig maglapta.]
Ang South Korea naka-lista sang average nga 402,452 kaso sang COVID-19 infection adlaw-adlaw, ini halin sa Reuters as of 7:19 p.m. sang March 20. Ang Reuters nagapangolekta sang datos adlaw-adlaw tuhoy sa kaso kag death rate sang COVID-19 sa 240 ka pungsod kag teritoryo sa bilog nga kalibutan.
Naka rekord sang 621,328 daily cases kag 429 deaths sang March 17 ang South Korea, apang ginhambalam sang opisyal sang Korea Disease Control and Prevention Agency (KDCA) ang Reuter nga 70,000 ka kaso ang 200 deaths ang missing sa tally sa nakalipas nga duwa ka adlaw.
Ang KDCA sang March 16 naka rekord sang 400,741 bag-o nga kaso, isa ka dako nga pagsaka humalin sa Martes nga 362,338. Ang South Korea sang March 19 naka tally sang 407, 017 nga kaso sang COVID-19,214,311.
(Sinulatan ni Sean Rafio/Daily Guardian; Ginlubad ni Iris Mabatid sang West Visayas State University-College of Communications para sa Daily Guardian)
Source:
Daily Guardian is part of #FactsFirstPH, which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email editorial@dailyguardian.com.ph and info@factsfirst.ph, or send a message to facebook.com/DailyGuardianPH.
