Sadtong Abril 15, nagpost sa iya Facebook account ang isa ka “Anna Malindog-Uy” nga ginatawag ang iya kaugalingon nga manugsalawsaw kag akademiko, sang madamo nga akusasyon batok sa Rappler kag GMA News kag ginatawag ang media outfits nga ini mga “insecure, bitter, desperado,” kag mga butigon, tungod ginbalhag kuno sini ang may tag-iya sang SMNI kag lider sang relihiyong Kingdom of Jesus Christ (KJC) nga si Apollo Quiboloy nga ara sa “Most Wanted List” sang United States Federal Bureau of Investigation (FBI).
Sabat ni Malindog-uy ang ginahambal nga pahayag sa mga pagbalhag nga ginpaguwa sang GMA News reporter nga si Sandra Aguinaldo kag sang Rappler reporter nga si Lian Buan. Ginhambal pa sini nga wala pa nahatulan sa korte si Quiboloy, amo nga hindi kuno dapat tawagon nga pugante ukon yara sa “wanted list” sang FBI ang pastor.
“Por dios por santo naman, may tinatawag tayong presumption of innocence,” (Por dios por santo man, may ginatawag kita nga presumption of innocence) suno sa self-proclaimed nga political analyst.
Pila ka beses na nga ginbutang bilang komentarista si Malindog-Uy sa SMNI.
ANG PASUNI:
Wala kuno sa FBI watchlist si Apollo Quiboloy, siling sang komentarista sang SMNI
INDI INI MATUOD
ANG KAMATUORAN:
Nagpaguwa ang FBI sang “wanted poster for fugitive Apollo Quiboloy” matapos magpaguwa ang isa ka federal grand jury sang panumbungon para sa mga kaso nga sex trafficking, fraud and coercion, kag bulk cash smuggling batok sa pastor.
Ginhambal nga pareho sang Department of Justice kag sang Department of Foreign Affairs sang Pilipinas nga wala pa sila may nabaton nga pormal nga tugun halin sa US State Department para sa extradition kay Quiboloy.
Tuhoy naman sa akusasyon ni Malindog-Uy nga ang mga kaso ni Quiboloy ay may bahid sang politika, ginapanghinwala na sang US Embassy sa Manila ang ginasiling nga mga pahayag, kag ginasiling nga ang pagasikaso sadtong mga kaso ay resulta sang pinag-isa nga imbestigasyon sang ila mga alagad sang batas. Suno pa sa US Embassy, wala sang hilabot ang isyu ni
Quiboloy sa nagapatuloy nga kampanya sang eleksyon sa pagkapresidente sa Pilipinas.
NGAA KINANGLAN I-FACT CHECK
Ginapanag-iyahan kag kontrolado ni Quiboloy ang SMNI, nga nabida na sa madulu-damo nga fact check report bangod sa wala palya sini nga pagpaguwa sang disimpormasyon.
(Gin-lubad sang Daily Guardian gikan sa orihinal nga fact check report sang Altermidya)
Daily Guardian is part of #FactsFirstPH, which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email editorial@dailyguardian.com.ph and info@factsfirst.ph, or send a message to facebook.com/DailyGuardianPH.
