PASUNI: Mga supporter ni Leni-Kiko nagrecruit sang estudyante sa Marikina Science
High School sa election-related event
INDI INI MATUOD
ANG KAUNDAN: Sa isa ka post sang Facebook user, may publication material nga ginpagguwa ang mga opisyal sang Marikina Science High School nagapasuni nga ang ila mga estudyante naimbitar sa “election-related movement.”
Sa pubmat, nagpahayag ang eskwelahan sang MariSci nga ini nagapabilin politically neutral kag nagaabiso batok sa pag-entra sa amu nga mga aktibidad. Ang orihinal nga Facebook poster nagpasuni nga buhat ini sang “NPA-backed Pinklawans,” nga nagatinguha recruit sa mga non-voting minors. Sa amo man nga post, iya gintudlo nga ang pubmat gikan sa PTA group chat sang iya utud.
Ang pasuni sang Facebook user indi matuod.
Una, ang statement sang MariSci wala nagpakilala kung sin-o nga political group ang nagpalapit saila mga estudyante sa ginasiling nga election-related movement. Unverifiable man ang petsa kung san-o ginpaguwa ini nga announcement, kay ini ginaalegar nga nalapnag lamang sa PTA group chat sa indi masiling kun san-o nga tiempo.Amo nga palamangkuton ang kamatuoran sang pubmat.
Dugang pa, si VP Robredo kag ang kampo sini wala sang angut sa Communist Party of the Philippines (CPP) kag military arm sini, ang New People’s Army (NPA), bagay nga nanligad ginpamatud-an sang CCP. Bagay nga kapila na masulit-sulit sa madamo nga beses. (https://www.philstar.com/…/cpp-no-coalition-govt-talks…)
(https://www.facebook.com/…/a.18748…/5249699091788986/…).
Si Robredo nagbiya sa Liberal Party (LP) halin sa iya vice presidential campaign in 2016. Bangud sa paggamit sang LP sang duag dalag bilang motif, ang mga supporter sang amo nga party ginatawag nga “dilawan” sang mga nagapakamalain.
(https://newsinfo.inquirer.net/…/fwd-robredo-disputes…).
Bisan ang on-ground Leni-Kiko campaigns sa Marikina City bukas sa mga volunteer sa bisan ano nga edad, wala sang official report nga makapamatuod nga ang mga ‘imbitasyon’ kahimuan sang Kakampink para mapaintra ang mga estudyante sang MariSci sa election-related events.
Subong nga tion, wala sang may makit-an nga public release ang Marikina Science High School sa official Facebook page sini tuhoy sa ginaalegar nga insidente sang ila mga estudyante.
Ngaa kinahanglan may pagpanadlong: Ini nga post nagatib-ong sang misinformation nga indi lamang naga red-tag sa kandidato, pero potensyal nga nagasab-ug sang kahadlok kag kakulba sa kahiwayan kag ikaayo nga lawas sang mga minor.
(Gin-lubad sang Daily Guardian gikan sa orihinal nga fact check sang Baguio Chronicle)
Daily Guardian is part of #FactsFirstPH, which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email editorial@dailyguardian.com.ph and info@factsfirst.ph, or send a message to facebook.com/DailyGuardianPH.
