INDI MATUOD: VP Leni, pwede mapasakaan sang kaso nga graft bangud sa iya pagtukod sang Angat Buhay NGO
Wala sang indikasyon nga nag gamit sang pondo sang Office of the Vice President (OVP) si Robredo sa iya pagtukod sang Angat Buhay nga isa ka non-government organization (NGO).
ANG PASUNI: Naglapas sang layi si VP Leni kag pwede siya mapasakaan sang kaso nga graft bangud sang pag usar sang pondo sang OVP para sa iya ginaplano nga pagtukod sang NGO kung mag panaog na siya sa pwesto.
INDI INI MATUOD.
ANG KAMATUORAN: Wala sang ginlapas nga layi si VP Leni. Nag anunsiyo lamang siya sang pagtukod sang Angat Buhay NGO, base sa Angat Buhay program sang OVP nga pagabuylugan sang mga volunteers. Wala sang indikasyon nga nag gamit siya sang pondo sang iya opisina para sa sin inga tinutuyo. Magasugod ang NGO sa Hulyo 1, pagka tapos gid sang iya termino agud malikawan ang mga kontrobersiya tuhoy sa pag gamit sang kwarta sang gobyerno.
MGA DETALYE
Isa ka artikulo gikan sa Pinoy Trending News ang naga pasuni nga pwede mapasakaan sang kaso si VP Leni Robredo tungod nag gamit siya sang pondo sang OVP para sa iya plano nga pagtukod sang NGO pagka tapos sang iya termino.
Sa idalom sang RA 3019 ukon ang Anti-Graft and Corrupt Practices Act, may 11 ka mga tikang nga ginadumili sa mga opisyal sang gobyerno angot sa korapsyon kag paglapas sang layi.
Ang probisyon nga pinaka malapit sa nasambit nga sitwasyon kay ang Provision E, nga naga dumili sa mga opisyal kag empleyado sang gobyerno nga maghatag sa bisan sino nga indibidwal ukon organisasyon sa probado nga sector sang mga benepisyo, pribilehiyo, kag bentaha sa ti-on sang iya pagpatuman sang iya mandato administratibo ukon pang hukom.
Ginapatuman ang probisyon sa mga opisyales nga may responsibilidad sa paghatag sang mga permit, lisensya kag iba pa nga mga concessions.
Matuod nga nagapakig-angot na si Robredo sa mga may potensyan nga mangin kabahin sang NGO samtang ara pa skiya sa pwesto, apang wala sang ano man nga indikasyon nga may ginlapas siya nga mga probisyones sang layi.
Wala pa nagpungko si Robredo bilang taga pangulo sang NGO kay wala pa matapos ang iya termino bilang Vice President. Indi pa man pormal nga natukod ang NGO mismo.
Ginlubad ni Marjune N. Muzones, Intern, Daily Guardian gikan sa sinulatan sang Baguio Chronicle: https://www.facebook.com/baguio.chronicle/photos/a.857049371017788/5398009226921757/
