INDI MATUOD: Nagpahayag sang suporta si VP Leni Robredo nahanungod diskriminasyon nga ginhimo sang Church of God batok sa trans influencer nga si Sass Sasot
Wala sang opisyal nga pahayag si VP Robredo tuhoy sa insidente sa tunga nanday Sass Sasot kag Church of God.
ANG PASUNI: Nagpahayag sang suporta si Bise Presidente Leni Robredo sa Church of God, ini nahanungod sa diskriminasyon nga ginhimo sini batok sa trans influencer nga si Sass Sasot
INDI INI MATUOD.
ANG KAMATUORAN: Wala sang opisyal nga pahayag si Robredo sa nasambit nga insidente.
NGA-A KINAHANGLAN I-FACT-CHECK: Gina pasuni sang twitter account nga @NewGovOrgABF nga makabig parte ini sang Office of the Vice President kang sang volunteer program ni VP Robredo. Ginagamit man sini ang logo sang “Angat Buhay” agod tuntuhon ang mga nagagamit sang social media. Nagapalapta sila sang indi matuod nga mga impormasyon sa Twitter nga una na nga ginpanginwala mismo ni Robredo.
MGA DETALYE
Nagpaskil sa Twitter ang kontrobersyal nga account nga Angat Buhay New Government (@NewGorvOrgABF) sang isa ka pahayag nga gina pasuni nagikan kay Vice President Leni Robredo tuhoy sa pagkontrahanay sang Church of God kag blogger nga si Sass Sasot. Ini natabo sadtong Hunyo 3 sa graduation ceremony sang Southern Philippines Institute of Science and Technology (SPIST).
Makita sa laragway ang ginasiling pahayag ni Robredo nga bisan nagasuporta siya sa LGBTQ+ community, intsakto ang pagpugong sang Church of God sa kun tani speech ni Sass Sasot. Si Sasot kay isa ka blogger nga kilala bilang taga-suporta ni BongBong Marcos kag nagapalapnag sang fake news.
Indi ini matuod nga impormasyon.
Wala sang opisyal nga pahayag si VP Robredo tuhoy sa insidente sa tunga nanday Sass Sasot kag Church of God.
Kapila na niya ka beses ginpangilwala ang iya koneksyon sa Twitter account nga Angat Buhay New Government (@NewGovOrgABF).
Gindugang pa ni Robredo nga indi konektado ang nasambit nga Twitter account sa iya opisina ukon sa Angat Buhay program. Nagpaandam siya tuhoy sa mga grupo ukon account nga naga pasuni parte sang iya programa nga Angat Buhay kag ginsiling man nga padayon ini nga ginadihon.
Igalunsay sa Hulyo ang Angat Buhay NGO. Proyekto ini ni VP Robredo pagkatapos sang iya termino kung sa diin plano nga buhaton ang pinakadako nga volunteer network sa Pilipinas.
MARJUNE N. MUZONES, Intern sang Daily Guardian gikan sa sinulatan sang Baguio Chronicle: https://www.facebook.com/baguio.chronicle/photos/a.857049371017788/5416495105073169/
