LINK TO ORIGINAL SOURCE: https://news.abs-cbn.com/news/04/22/22/fact-check-umanoy-marcos-pacquiao-debate-di-totoo
Wala pa naka atubangay sa one-on-one debate ang presidential candidates nga kanday Sen. Manny Pacquiao kag Ferdinand “Bongbong” Marcos Jr, taliwas sa mga ga linapta sa social media nga mga ginpang tahi-tahi nga video.
Sang Abril 4, gin-upload sa Tiktok sang isa ka user nga ang pangalan “Estong Dy” ang peke nga video kung sa diin makita nga naga debate kuno sa topiko nga foreign policy sanday Pacquiao kag Marcos. Naka-post man ini sa YouTube shorts kag ginbutangan sang caption nga, “BBM Hinamon Ni MANNY PAKSIW.”
Suno pa sa video, naga-utal kuno si Pacquiao, samtang diretso kuno ang sagot ni Marcos sa parehos nga pamangkot.
Subalit ginpeke lang ang nahambal nga video.
Makita nga gintahi lang ini ang mga gibnpang utod-utod nga video clips sanday Marcos kag ni Pacquiao halin sa 2 ka hiwalay nga debate. Halin sa SMNI debate sang Pebrero 15 ang kay Marcos, samtang halin sa Commission on Election (Comelec) debate sang Abril 3 ang kay Pacquiao.
Matandaan nga sang Marso 21, ginhamon ni Pacquiao si Marcos sang one-on-one debate kung Comelec ang ma organisa..
“[Basi] ma alang-alang siya kay damo nag-attend sa debate. Basi mahuluyaon siya, [amo na] one-on-one na lang. Para mabal-an sang taong bayan kung ano plataporma n’ya kag plataporma ko,” siling ni Pacquiao.
‘Baka mahiyain sya’: Pacquiao ginhagad sang 1-on-1 debate si Marcos
Wala nagpakita si Marcos sa 2 ka debate nga gin-organisa sang Comelec.
Last leg of Comelec debates postponed amid contractor’s payment mess
Ang nahambal nga Tiktok video ni Estong Dy may ara sang 2.5 milyon ka views, 120,000 ka likes, 12,000 komento, kag 10,500 shares.
Gingamit man ang parehas nga video sang Facebook account nga “KaRonda 101 Vlog” kag ginsingit pa ang larawan ni Dr. Clarita Carlos, nga isa sa mga panelist sang SMNI debate. Ginbutangan ini sang caption nga “Dto Nating Malalaman Ang Kayabangan Sa One On One Ang Hamon Ni Pakyaw Kay Bbm.” May ara ini sang 641,000 views, 11,000 comments, kag 6,600 shares.
— With research from Adrian Kenneth Halili, ABS-CBN Investigative and Research Group
ABS-CBN News is part of the Philippine Fact-Checker Incubator Project (PFCI) and #FactsFirstPH. PFCI supports news organizations in building capacity to meet international fact-checking standards. #FactsFirstPH is a collaborative effort of media and civil society organizations to fact check dubious and false claims, and to promote credible sources of information in the 2022 elections and beyond.
