Ang bidyo amu ginsugpon-sugpon gikan sa magkaseparar nga bahin sang homily ni Bishop Raul Dael sang Roman Catholic Diocese sang Tandag, Surigao del Sur. Sa orihinal nga bidyo, ginsiling niya nga iya ihatag ang pareho nga homily bisan sin-o pa nga kandidato ang magtambung sa iya misa.
Buod
- Ang pasuni: Gin-akigan sang isa ka pari si Bise Presidente Leni Robredo kag Senador Kiko Pangilinan sa isa ka misa.
- Marka: Pumaayon ang Rappler sa marka nga “Manipuladong Video” nga nauna nga ginhatag sang AlterMidya sa ila face check sa sugid-sugid nga ini.
- Ang kaundan: Ang video amu ang ginsugpon-sugpon nga magkaseparar nga bahin sang homily ni Bishop Raul Dael sang Roman Catholic Diocese sang Tandag, Surigao del Sur. Sa orihinal nga bidyo sang homily, ginsiling ni Dael nga iya ihatag ang pareho nga homily bisan sin-o pa nga kandidato sa pagkapresidente ang magtambung sa iya misa. Ginsiling man ni Dael nga wala ini sang ginaendorso nga kandidato sa pagkapresidente.
- Ngaa kinahanglan may pagpanadlong: Sang isulat ang fact check nga ini, may yara na masobra sa 532,700 reaksiyon, 10,400 ngaa komento, kag 7,200,000 nga views ang video sa TikTok.
Mga detalye
Isa ka post sang Abril 15 sang Tiktok user nga si “@bradd.tonski” ang nagpapakita sang video sang isa ka misa kung sa diin ginaalegar nga gin-akigan sang isa ka pari sanday Bise Presidente Leni Robredo kag Senador Kiko Pangilinan.
Nakabutang sa caption sang post, “#Lenikiko na pagalitan ni Father Tandag dahil pinapast si father nang pink na mask ayan tuloy na sermonan ni father nice father.”
(#Lenikiko nga gin-akigan ni Father Tandang tungod pinapast si father sang pink nga mask rasun para sermonan ni father nice father.)
Makita man nga nakapatong sa bidyo ang mga linya: “Na sermunan si Leni at Kiko” kag “Yan napala niyo #LeniKiko.”
Sang isulat ang fact check nga ini, may yara na masobra sa 532,000 reaksiyon, 10,400 nga komento kag 7,200,000 nga views ang bidyo sa Tiktok.
Manipulado ang bidyo nga nagapakita nga gin-akigan sang pari si Robredo kag Pangilinan.
Ang bidyo gin-obra gamit ang pagsugpon-sugpon sang magkaseparar nga bahin sang sang video sang isa ka misa ni Bishop Raul Dael sang Roman Catholic Diocese sang Tandag, Surigao del Sur.
Ang orihinal nga bidyo may laba sang 13 minuto, samtang ang bidyo sa Tiktok nga may unod sang sugid-sugid may apat ka minuto lamang.
Halin 2 28 pakadto 2 33 timestamp sang manipulado nga bidyo, ginhambal ni Dael. “If Bongbong will come here and ask for the mass, I will give it to him.” (Kung magtambung diri si Bongbong kag magpangayo sang misa, ihatag ko ini sa iya. )
Sa orihinal nga bidyo, mabatian halin 10 14 hasta 10 45 timestamp sang bidyo ang sugpon sini nga, “If Lacson will come, I will give it to him. The Church is always giving space and fairness to everyone.”
(Kung si Lacson makadto, ihatag ko man ini sa iya. Ang Simbahan pirmi nagahatag sang lugar kag ini patas sa tanan.)
Bag-o ang mensahe nga ini, ginsiling ni Daez nga wala na sia ginaendorso nga kandidato para sa pagkapresidente subong nga eleksiyon.
(Gin-lubad sang Daily Guardian gikan sa orihinal nga fact check ni Lorenz Pasion sang Rappler kaupod si Lyka Naranjo kag Philip Mateo sang AlterMidya)
Daily Guardian is part of #FactsFirstPH, which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email editorial@dailyguardian.com.ph and info@factsfirst.ph, or send a message to facebook.com/DailyGuardianPH.
